Policia në dosjen e saj ka të dhënat si vijojnë
Emri: Arnold
Mbiemri: Arapaj
Data Ngjarjes: 07/10/2021
Kategoria: Droga
Sipas Nenit: Neni 283/2 - Prodhimi dhe shitja e narkotikeve ne formen e bashkepunimit ose me shume se nje here;
Detaje të çështjes: Policia finalizoi operacionin antikanabis të koduar "Aroma", në kuadër të të cilit u arrestuan në flagrancë shtetasit:
Arnold Arapaj, 28 vjeç dhe Xhane Imeri, 54 vjeçe.
Këta shtetas, në bashkëpunim me njëri-tjetrin, kishin përshtatur ambientin e një banese, me aparatura që shërbejnë për tharjen dhe prodhimin e lëndëve narkotike, të cilën e paketonin dhe e bënin gati për shpërndarje me doza për përdorues të ndryshëm.
Në vijim të operacionit u bë arrestimi në flagrancë i shtetasit Hekuran Tarllamishi, 50 vjeç, i cili kishte detyrë të ruante ambientin e jashtëm të banesës dhe të raportonte te dy shtetasit e tjerë në rast se shikonte lëvizjeve të dyshimta.
Gjatë kontrollit të banesës u gjetën dhe u sekuestruan në cilësinë e provës materiale 27 kg lëndë e dyshuar kanabis, një armë zjarri pistoletë, municion luftarak, aparatura që shërbejnë për tharjen dhe prodhimin e lëndës narkotike, doza me lëndë të dyshuar kokainë, një peshore elektronike dhe një automjet.U referuan per veprat penale "Prodhimi dhe shitja e narkotikëve" e kryer në bashkëpunim dhe "Armëmbajtja pa leje".
