Policia në dosjen e saj ka të dhënat si vijojnë
Emri: Aleksandre (Aleksander)
Mbiemri: Sulaj
Data Ngjarjes: 07/04/2021
Kategoria: Droga
Sipas Nenit: Neni 283 - Prodhim dhe shitje narkotikesh;
Detaje të çështjes: Sipas Policise shtetasi Aleksandre Sulaj, shiste lëndë narkotike, të llojit "cannabis sativa", në rrugën "Mujo Ulqinaku", Tiranë. Në datën 07.04.2021, janë planizuar shërbimet për verifikimin e këtij informacioni, në rrugën " Mujo Ulqinaku" dhe rreth orës 13:30, shërbimet kanë konstatuar shtetasin Aleksandre Sulaj, në një ndërtesë dy katëshe, të pa banuar, pa dyer e pa dritare, e cila ndodhet në zonën afër shkollës " Faik Konica". Shtetasi Aleksandre Sulaj po qëndronte përballë hyrjes kryesore nga ana veriore e kësaj godine, i cili për një moment ka shkuar në krah të djathtë të derës kryesore të kësaj godine të pa banuar, në një dritare në formë rrethore dhe pasi ka marrë diçka aty, është larguar 2-3 metra nga dritarja. Në dorë dukej diçka si qese farmaceutike, me bimë të dyshuar narkotike, të llojit cannabis
sattiva . Në këtë situatë, shërbimet e policisë, ndërhynë duke u prezantuar si Policia, Anti Droga. Shtetasi Aleksandre Sulaj, sapo konstatoi prezencën e tyre, u largua me vrap, duke u humbur nga sytë shërbimeve. Në momentin që u largua me vrap, shtetasit Aleksandre Sulaj i ra nga xhepi telefoni i markës Iphone 7 Plus, ngjyrë e zezë. Ne telefonin e 21-vjecarit u gjeten foto dhe video te boceve te kanabisit. Gjate kontrollit ne vendin e ngjarjes në dritaren në fjalë, kanë gjetur një qese plastike, brenda së cilës ishin katër qese si ato të farmacive, me lëndë të dyshuar narkotike, të llojit cannabis sativa. Ndërkohë, në afërsi është gjetur edhe një qese plasmasi, me mbishkrimin "citliyo", ku u konsatuan edhe katër qese të tjera, si ato të farmacive, me lëndë të dyshuar narkotike, të llojit cannabis sativa. Në vijim, është kryer kqyrja e vendit të ngjarjes, me ekspert kriminalist dhe janë administruar dhe sekuestruar provat material, me qëllim ekzaminimin laboratorik të tyre. Është bërë peshimi i tetë qeseve farmaceutike me lënde të dyshuar narkotike të llojit "cannabis sativa" dhe kanë rezultuar me peshë totale 10 (dhjetë) gram. Pas peshimit, provat janë futur në qesen e provave me Nr.UNIK. A00002556.