Policia në dosjen e saj ka të dhënat si vijojnë
Emri: Liridon
Mbiemri: Bicuku
Data Ngjarjes: 11/08/2021
Kategoria: Droga
Sipas Nenit: Neni 283 - Prodhim dhe shitje narkotikesh;
Detaje të çështjes: Policia e Tiranes arrestoi shtetasin Liridon Bicuku, 26 vjeç, pasi gjatë kontrollit në vendin ku u konstatua dhe të banesës së tij, iu gjet dhe iu sekuestrua në cilësinë e provës materiale një sasi lënde narkotike kanabis.
Nga dosja hetimore, rezultoi se: Më datë 10.08.2021 rreth orës 21:50 në vendin e quajtur rruga “Muzakët”, specialistët e Seksionit Kundër Narkorikëve, pas informacioneve të siguruara në rrugë operative se shtetasi Liridon Bicuku merrej me shpërndarje lëndësh narkotike, janë vendosur me shërbim në këtë rrugë. Rreth orës 22:00, ata kanë konstatuar të ulur në një karrige jashtë ambienteve të një bilardoje shtetasin në fjalë, i cili herë pas here lëvizte, shkonte te një mur aty afër, merrte diçka dhe kthehej sërish te vendi ku rrinte ulur. Në një moment pranë tij është afruar një person i cili ka biseduar me shtetasin Liridon Bicuku dhe pas kësaj ky i fundit është ngritur, ka shkuar sërish te muri, ka marrë diçka dhe është kthyer dhe ia ka dhënë këtë gjë personit që erdhi ta takonte. Personi që mori sendin nga Liridoni është larguar me shpejtësi duke mos arritur të identifikohet dhe të kapet në kohë nga oficerët e policisë gjyqësore. Në këtë moment punonjësit e policisë kanë ndërhyrë duke bërë kapjen në flagrancë të shtetasit Liridon Bicuku dhe bashkë me të kanë shkuar te muri ku ai shkonte shpesh dhe gjatë kontrollit kanë gjetur 9 qese farmaceutike brenda të cilave kishte material bimor të dyshuar si lëndë narkotike e llojit cannabis sativa.
Më pas është ushtruar kontroll në banesën e marrë me qira nga ky shtetas, ku është gjetur një cigare e dredhur në mënyrë artizanale më përmbajtje arome si ajo e cannabis sativas si dhe në një dollap përballë krevatit është gjetur një qese farmaceutike me lëndë të dyshuar si cannabis sativa si dhe disa qese farmaceutike bosh me shirit të kuq, të njëjtat si ato ku u gjet lënda narkotike në afërsi të bilardos. Nga peshimi i gjithë lëndës narkotike rezultoi me peshë të përgjithshme 10.2 gramë. U bë peshimi i cigares së sekuestruar dhe i qeses me lëndë narkotike e dyshuar si cannabis sattiva dhe rezultuan me peshë 6.0 gramë.
